Salyanda yol qəzasında bir nəfər ağır yaralandı

Salyan rayonunda yol-nəqliyyat hadisəsi baş verib.

“Report”un məlumatına görə, yol qəzasında 1987-ci il təvəllüdlü Kərimov Elvin Cavanşir oğlu ağır bədən xəsarətləri alıb.

Yaralı əvvəlcə rayon xəstəxanasına, vəziyyəti ağır olduğu üçün Bakıda yerləşən xəstəxanaların birinə gətirilib.

Müayinə zamanı ona qapalı kəllə-beyin travması diaqnozu qoyulub. Yaralının vəziyyəti ağır olduğundan o, reanimasiya şöbəsinə  yerləşdirilib.

Faktla bağlı araşdırma aparılır.