Qubada avtomobil hindistanlı turisti vuraraq öldürüb

Quba rayonunda avtomobil Hindistandan olan turisti vuraraq öldürüb.

"Report" un Şimal bürosunun məlumatına görə, hadisə rayonun Caqacuq kəndi yaxınlığında baş verib.

Bildirilib ki, Hindistan vətəndaşı, 1985-ci il təvəllüdlü Mansur Xanı avtomobil vurub.

M.Xan müxtəlif xəsarətlərlə Quba Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.

Hadisə ilə bağlı araşdırma aparılır.