Qazaxda gənc oğlanı bıçaqlayan şəxs saxlanılıb

Qazaxda həmyerlisinə bıçaqla xəsarət yetirən şəxs saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan "Report"un Qərb Mərkəzinin sorğusuna əsasən verilən məlumata görə, Qazax rayon sakini, 2004-cü il təvəllüdlü Nicat Nəsibovu bıçaqlamaqda şübhəli bilinən, 2005-ci il təvəllüdlü həmyerlisi Əlövsət Musayev saxlanılıb.

Hadisə şəxsi münasibətlər zəminində baş verib.

Faktla bağlı araşdırma aparılır.

16:39

Qazax rayon sakini qolundan bıçaq xəsarəti alıb.

"Report"un Qərb Mərkəzinin məlumatına görə, rayonun Ağköynək kənd sakini, 2004-cü il təvəllüdlü Nicat Nəsibov qolundan bıçaqlanıb.

O, yaxınları tərəfindən xəstəxanaya çatdırılıb.

N.Nəsibovun kim tərəfindən və hansı səbəblərdən bıçaqlandığı hələlik məlum deyil.

Faktla bağlı araşdırmalara başlanılıb.