Ötən il yaşayış evi və obyektlərdən “isti izlər”lə tutulan şəxslərin sayı açıqlandı

Ötən il respublika üzrə mühafizə olunan 170 yaşayış evi və obyektə oğurluq məqsədilə edilən müdaxilənin qarşısı alınaraq, 74 nəfər şübhəli şəxs “isti izlər”lə tutularaq, istintaq orqanlarına təhvil verilib.

Bu barədə "Report"un sorğusunu cavab olaraq DİN-in Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib.

O qeyd edib ki, eləcə də mühafizə polisinin xidməti marşrutlarında cinayət törədən 237, axtarışda olan 87 nəfər, ictimai qaydanı pozan 1 284 nəfər müəyyən olunaraq saxlanılıb.