Oğuzda avtomobil qəzasında ölən və xəsarət alan qadınların kimliyi məlum olub - YENİLƏNİB

Oğuzda avtomobil qəzasında ölən və xəsarət alan qadınların kimliyi məlum olub.

"Report"un Şimal-qərb bürosunun məlumatına görə, ağır xəsarət alan sərnişin, 1994-cü il təvəllüdlü Arifə Səlimova hadisə yerində ölüb.

Hadisə zamanı habelə 1992-ci il təvəllüdlü Aygün Quliyeva isə xəsarət alıb. Yaralı A.Quliyeva Qəbələ Rayon Mərkəzi Xəstəxanasına çatdırılıb.

Qeyd edək ki, qəza Qaraməryəm-İsmayıllı-Şəki magistral yolunun rayonun Kərimli kəndi ərazisindən keçən hissəsində qeydə alınıb.

Belə ki, qadın sürücünün (şəxsiyyəti dəqiqləşdirilir – red) idarə etdiyi "Nissan" markalı avtomobil idarəetmədən çıxaraq ağaca çırpılıb.

Avtomobilin qəzaya uğramasına səbəb nəqliyyat vasitəsinin qarşısına iribuynuzlu heyvan çıxması olub.

Faktla bağlı cinayət işi açılıb, araşdırma aparılır.

00:34

Oğuz rayonunda bir nəfərin ölümü, daha bir nəfərin xəsarət alması ilə nəticələnən yol qəzası olub.

"Report"un Şimal-qərb bürosunun məlumatına görə, hadisə Qaraməryəm-İsmayıllı-Şəki magistral yolunun rayonun Kərimli kəndi ərazisindən keçən hissəsində qeydə alınıb.

Belə ki, qadın sürücünün (şəxsiyyəti dəqiqləşdirilir – red) idarə etdiyi "Nissan" markalı avtomobil idarəetmədən çıxaraq ağaca çırpılıb. Hadisə nəticəsində avtomobildə olan qadınlardan biri ölüb, digəri isə (hər ikisinin şəxsiyyəti müəyyənləşdirilir - red) xəsarət alıb.

Yaralı Qəbələ Rayon Mərkəzi Xəstəxanasına çatdırılıb.

Məlumata görə, avtomobilin qəzaya uğramasına səbəb nəqliyyat vasitəsinin qarşısına iribuynuzlu heyvan çıxması olub.

Faktla bağlı cinayət işi açılıb, araşdırma aparılır.