Oğuzda gənc oğlanı elektrik cərəyanı vuraraq öldürüb

Oğuz rayonunda elektrik dirəyinə çıxan gənc oğlanı elektrik cərəyanı vuraraq öldürüb.

"Report"un Şimal-qərb bürosunun məlumatına görə, hadisə rayonun Dəymədərə kəndində baş verib.

İlkin məlumata görə, Sincan kənd sakini Xasay Şərif oğlu Hüseynov rayonun Dəymədərə kəndi ərazisində elektrik dirəyinə çıxarkən onu yüksək gərginlikli elektrik cərəyanı vurub. Gənc oğlan hadisə yerində ölüb.

Qeyd edək ki, X.Hüseynov "DOST" MMC-nin işçisidir.

Hazırda hüquq-mühafizə orqanlarının əməkdaşları hadisə yerindədir.

Faktla bağlı araşdırmalara başlanılıb.

Oğuzda gənc oğlanı elektrik cərəyanı vuraraq öldürüb