Lənkəranda avtomobil gənci vuraraq xəsarət yetirdi

Lənkəranda gəncin xəsarət alması ilə nəticələnən yol-nəqliyyat hadisəsi olub.

"Report"un Cənub Mərkəzinin verdiyi xəbərə görə, hadisə axşam saatlarında, şəhərin Zərifə Əliyeva küçəsində qeydə alınıb. Belə ki, avtomobil 1999-cu il təvəllüdlü Mirzəzadə Rahim Rəhim oğlunu evinin yaxınlığında vurub. Hadisəni törədən sürücü yaralını dərhal Lənkəran Rayon Mərkəzi Xəstəxanasına çatdırıb. R.Mirzəzadəyə ilkin tibbi yardım göstərilib və o, reanimasiya şöbəsinə yerləşdirilib.

Faktla bağlı araşdırma aparılır.