Hacıqabulda avtomobil 38 yaşlı kişini vurdu

Hacıqabul rayonunda piyadanın xəsarət alması ilə nəticələnən yol-nəqliyyat hadisəsi baş verib.

“Report”un Aran bürosunun məlumatına görə, hadisə səhər saatlarında Bakı-Qazax magistral yolunun rayonun ərazisindən keçən hissəsində, "Qədir xum" istirahət mərkəzinin yaxınlığında qeydə alınıb. Xaçmaz rayon sakini, 1983-cü il təvəllüdlü Şahmuradov Rövşən Baloğlan oğlu yolu keçərkən “QAZel” markalı avtomobil onu vurub. Müxtəlif dərəcəli xəsarətlər alan piyada Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.