Gədəbəydə ağır yol qəzasında ölənlərin kimliyi məlum olub - YENİLƏNİB

Gədəbəydə ağır yol-nəqliyyat hadisəsi nəticəsində ölənlərin kimliyi məlum olub. 

"Report"un Qərb bürosunun məlumatına görə, hadisə nəticəsində dünyasını dəyişənlər Maarif kənd sakinləri; 1981-ci il təvəllüdlü R.Bağırova və 2022-ci il təvəllüdlü U.Həsənovadır.

Qeyd edək ki, "VAZ-2104" və "Niva" markalı avtomobillərin toqquşması nəticəsində daha bir nəfər - Ramiz Həsənəliyev ağır xəsarət alıb. O, xəstəxanaya yerləşdirilib.

Faktla bağlı araşdırma aparılır.

08.29.20205. 23:50

Gədəbəydə ağır yol qəzası olub.

"Report"un Qərb bürosunun məlumatına görə, hadisə Maarif kəndində qeydə alınıb.

"VAZ-2104" və "Niva" markalı avtomobillərin toqquşması nəticəsində 2 nəfər - qadın və uşaq ölüb, daha bir nəfər - 1981-ci il təvəllüdlü Ramiz Həsənəliyev ağır xəsarət alıb.

Yaralı xəstəxanaya çatdırılıb.

Hazırda ölənlərin şəxsiyyəti dəqiqləşdirilir.

Faktla bağlı araşdırma aparılır.