Etibar Mirzəyev: "Türkiyədəki yanğınları qısa müddətdə söndürəcəyik"

"Türkiyə bizə qardaş ölkədir".

"Report"un Türkiyəyə ezam olunmuş əməkdaşının verdiyi məlumata görə, bunu Azərbaycan fövqəladə hallar nazirinin müavini general-leytenant Etibar Mirzəyev jurnalistlərə açıqlamasında deyib.

O bildirib ki, Azərbaycan Fövqəladə Hallar Nazirliyinin əməkdaşları yanğınların söndürülməsi üçün əlindən gələni edəcək: "Ümid edirəm ki, qısa müddət ərzində Türkiyədəki yanğınları söndürəcəyik. Bundan başqa, əməkdaşlarımız və texnikalarımız dörd gün yolda. Hər bir bölgədə və hər bir rayonda qardaş kimi, isti münasibətlə qarşılanıblar. Yaşasın Türkiyə-Azərbaycan qardaşlığı və dostluğu!"