Cəlilabadda evdə baş verən yanğın söndürülüb - YENİLƏNİB

Cəlilabad rayonunda evdə baş verən yanğın söndürülüb.

"Report"un Muğan bürosunun məlumatına görə, hadisə ötən gün Sərhədabad kənd sakini, Rza Əmirova məxsus ikimərtəbəli evdə qeydə alınıb.

Hadisə yerinə FHN-in Cəlilabad rayon yanğından mühafizə hissəsinin texnikaları və canlı qüvvələri cəlb olunsa da, 6 otaqlı evin 5 otağı yanıb.

Faktla bağlı araşdırma aparılır.

00:28

Cəlilabad rayonunda yaşayış evində yanğın başlayıb.

"Report"un Muğan bürosunun məlumatına görə, hadisə Sərhədabad kəndində qeydə alınıb.

Hadisə yerinə FHN-in Cəlilabad rayon yanğından mühafizə hissəsinin 2 texnikası və 13 nəfər canlı qüvvəsi cəlb olunub.

Yanğının baş verdiyi ev sahibinin övladının bu gün şadlıq saraylarının birində toy mərasimi keçirilir.

Faktla bağlı araşdırma aparılır.