Cəlilabadda bıçaqlanan 46 yaşlı kişinin durumu açıqlanıb - YENİLƏNİB-2

Cəlilabad rayonunda bıçaqlanan şəxsin durumu açıqlanıb.

TƏBİB-dən "Report"un Muğan bürosunun sorğusuna cavab olaraq bildirilib ki, bu gün saat 17:30 radələrində 1 nəfər (kişi cinsli) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

1979-cu il təvəllüdlü şəxsə döş qəfəsinin və sol aşağı ətrafın kəsilmiş yarası diaqnozu təyin olunub və zəruri ilkin tibbi xidmət göstərilib.

Müalicəsi Cərrahiyyə şöbəsində davam etdirilən pasiyentin vəziyyəti stabil qiymətləndirilir.

22:15

Cəlilabad rayonunda 46 yaşlı kişini bıçaqlamaqda şübhəli bilinən şəxs saxlanılıb.

DİN-in Mətbuat Xidmətinin Lənkəran regional qrupundan "Report"un Muğan bürosunun sorğusuna cavab olaraq bildirilib ki, 1979-cu il təvəllüdlü Nurəddin Əsgərova kəsici alətlə xəsarət yetirməkdə şübhəli bilinən şəxs polis əməkdaşları tərəfindən saxlanılıb.

Araşdırma aparılır.

21:30

Cəlilabad rayonunda bıçaqlanma hadisəsi baş verib.

"Report"un Muğan bürosunun məlumatına görə, hadisə rayonun Adnalı kəndində qeydə alınıb. 

Belə ki, kənd sakini 1979-cu il təvəllüdlü Nurəddin Əsgərov ilə mübahisə zamanı bıçaqlanıb. O iki bıçaq xəsarəti ilə Cəlilabad Mərkəzi Rayon Xəstəxanasına çatdırılıb.

İlkin ehtimala görə, ona bacısı, 1982-ci il təvəllüdlü Şəfəq Əsgərova xəsarət yetirib.

Faktla bağlı araşdırma aparılır.