Bərdədə yaşadığı ünvanı tərk edən COVID-19 xəstəsi postda saxlanıldı

Bərdə Rayon Polis Şöbəsinin (RPŞ) əməkdaşları tərəfindən koronavirus pandemiyasının qarşısının alınması məqsədi ilə tədbirlər mütəmadi olaraq davam etdirilir.

DİN-in Mətbuat Xidmətinin Bərdə regional qrupundan "Report"a verilən məlumata görə, rayon ərazisində qurulmuş stasionar postda koronavirus pandemiyasına yoluxmuş rayonun Otuzikilər kənd sakini Ə.Allahverdiyevanın karantin qaydalarına zidd davranaraq müalicə aldığı ünvanı tərk etdiyi müəyyən edilib.

Ə.Allahverdiyeva polis əməkdaşlarının müşayiəti ilə müalicə aldığı ünvana geri qaytarılıb.

Bərdə RPŞ-nin İstintaq Bölməsində araşdırma aparılır.