Bakı metrosunda vəfat etmiş sərnişinin kimliyi məlum olub - YENİLƏNİB

Bu gün Bakı metrosunda vəfat etmiş sərnişinin kimliyi məlum olub. 

"Report"un əldə etdiyi məlumata görə, bu, 1965-ci il təvəllüdlü Xaqani Hüseynovdur. 

İlkin ehtimala görə, o, ürəktutmadan dünyasını dəyişib. 

09:48

Bu gün "Bakı Metropoliteni" QSC-nin "20 Yanvar" stansiyasında, təxminən, 60 yaşında kişi sərnişin vəfat edib.

Bu barədə "Report"a qurumun Mətbuat Xidmətindən bildirilib.

Məlumata görə, vətəndaş halı pisləşdiyi üçün saat 7:45-də qatardan düşürülüb və ona dərhal ilkin yardım göstərilib, təcili tibbi yardım dəvət edilib. Bütün səylərə baxmayaraq, sərnişin dünyasını dəyişib.