Bakıda ağır yol qəzası olub, xəsarət alanlar var

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Suraxanı rayonunda qeydə alınıb.

Dədə Qorqud qəsəbəsində iki avtomobilin toqquşması nəticəsində 1967-ci il təvəllüdlü Qasımov Şükür Həbib oğlu, 1979-cu il təvəllüdlü İsayev Məcid Zakir oğlu, 1988-ci il təvəllüdlü Məmmədov Vüsal İltifat oğlu, 1989-cu il təvəllüdlü Əliyev Qəşəm Araz oğlu xəsarət alıblar.

Yaralılar təcili tibbi yardım briqadasının köməkliyi ilə xəstəxanaya çatdırılıblar. Ş.Qasımova sol ayaq barmaqlarının sınığı, M.İsayevə döş qəfəsinin əziyi, V.Məmmədova sağ biləyin sınığı, Q.Əliyevə döş qəfəsinin əziyi diaqnozları qoyulub.