​Bakı metrosunda sərnişinin halı pisləşib

Bakı. 22 oktyabr. REPORT.AZ/ Bu gün səhər saatlarında Bakı Metropoliteninin "Nizami" metro stansiyasının platformasında sərnişinlərdən birinin vəziyyəti pisləşib. Bu haqda "Report"a "Bakı Metropoliteni" QSC-nin mətbuat xidmətinin rəhbəri Nəsimi Paşayev məlumat verib.

Onun sözlərinə görə, hadisə yerinə dərhal təcili tibbi yardım çağırılıb: "Bu gün səhər saat 08:15 radələrində "Nizami" metro stansiyasının platformasında təxminən 40 yaşında olan kişi özünü pis hiss edib. Əməkdaşlarımız çevik davranaraq, dərhal təcili tibbi yardım xidmətinə xəbər veriblər. Artıq sərnişinin vəziyyəti normaldır".