Avtomobildə aksiz markasız 32 min ədəd siqaret aşkar edilib

Bakı. 17 iyul. REPORT.AZ/ Dövlət Gömrük Komitəsi (DGK) Bakı Baş Gömrük İdarəsinin gömrük hüquqpozmalarına qarşı mübarizə şöbəsinə daxil olan əməliyyat məlumatı əsasında, Azərbaycan vətəndaşı Cabir Ataş oğlu Rəhimova məxsus 90-TT-380 nömrə nişanlı, “Niva” markalı nəqliyyat vasitəsi Bakı şəhəri ərazisində saxlanılıb.

Dövlət Gömrük Komitəsindən “Report”a verilən məlumata görə, həmin nəqliyyat vasitəsinə baxış zamanı, yük yerində üzərində Azərbaycanın aksiz markası olmayan 15 min ədəd “De Santis White” və 17 min ədəd “Cavallo Play” markalı siqaretlər aşkar edilib.

Faktla bağlı araşdırma aparılır.