Abşeronda qadın yol qəzasında xəsarət aldı

Abşeron rayonunda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Xırdalanda “Ekoloji nəzarət postu”nun yaxınlığında qeydə alınıb. İki avtomobilin toqquşması nəticəsində sərnişin, 1960-cı il təvəllüdlü Rəhimova Aliyə Şərbətəli qızı xəsarət alıb. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sol qolun sınığı diaqnozu qoyulub.

Faktla bağlı araşdırma aparılır.