Mehdiabadda 60 yaşlı kişinin öldürülməsi ilə bağlı cinayət işi başlanıb - YENİLƏNİB

Mehdiabad qəsəbəsində 60 yaşlı kişinin öldürülməsi ilə bağlı cinayət işi başlanıb.

Bu barədə "Report"a Abşeron rayon Prokurorluğundan məlumat verilib.

Qeyd olunub ki, oktyabrın 9-da Abşeron rayonu ərazisində 1965-ci il təvəllüdlü Maşallah Cəfərovun öldürülməsi barədə rayon prokurorluğuna məlumat daxil olub.

Araşdırma zamanı 1968-ci il təvəllüdlü Eldar Məmmədovun bıçaqla xəsarət yetirərək Maşallah Cəfərovu qəsdən öldürməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Eldar Məmmədov rayon prokurorluğu tərəfindən şübhəli şəxs qismində tutulub.

İbtidai istintaq davam edir.

12:50

Abşeron rayonu Mehdiabad qəsəbəsində qətl hadisəsi törədilib.

"Report"un yerli bürosu xəbər verir ki, Mehdiabad qəsəbəsində 1965-ci il təvəllüdlü Səfərov Maşallah Qoçəli oğlu bıçaqlanaraq öldürülüb.

Hadisəni törətməkdə şübhəli bilinən 1968-ci il təvəllüdlü Eldar Məmmədov polis əməkdaşları tərəfindən saxlanılıb.

Faktla bağlı araşdırma aparılır.