U20 Dünya Çempionatı: ABŞ millisi Fransa yığmasını məğlub edib

İyirmi yaşadək futbolçular arasında dünya çempionatının qrup mərhələsinin ikinci turu çərçivəsində Fransa yığması ABŞ millisi ilə qarşılaşıb.

"Report"un məlumatına görə, Çilinin Rankaqua şəhərində keçirilən görüş amerikalıların 3:0 hesablı qələbəsi ilə başa çatıb.

ABŞ komandası hər üç qolu ikinci hissənin sonunda Xavier Qozo (85-ci dəqiqə), Bruklin Reynz (88) və Markos Zambrano (90+2) vurub.

ABŞ komandası altı xal toplayaraq, E qrupunda birincidir. Fransa yığması üç xalla ikincisi sırada qərarlaşıb.

Oktyabrın 5-də qrup mərhələsinin final oyununda ABŞ Cənubi Afrika Respublikası, Fransa isə həmin gün Yeni Kaledoniya komandası ilə qarşılaşacaq.