Türkiyəli məşqçi Rusiya komandasından ayrılıb

Gökdeniz Karadeniz Rusiyanın "Rubin-2" komandasının baş məşqçi vəzifəsindən ayrılıb.

"Report" xəbər verir ki, bu barədə Kazan klubunun mətbuat xidməti məlumat yayıb.

Türkiyəli mütəxəssisi müvəqqəti olaraq onun köməkçilərindən Andrey Fyodorov əvəzləyəcək.

Məşqçi 2023-cü ildən Kazan təmsilçisinin ehtiyat komandasına rəhbərlik edirdi və üç mövsüm ərzində kollektivə iki dəfə II Liqanın B divizionunun bürünc mükafatını qazandırıb.

Qeyd edək ki, G.Karadeniz futbolçu kimi 2008-2018-ci illərdə "Rubin"in heyətində çıxış edib və Kurban Berdıyevin rəhbərliyi altında iki dəfə Rusiya çempionu olub.