"Sumqayıt"ın rəqibinin futbolçusu koronavirusa yoluxdu

"Sumqayıt"ın UEFA Avropa Liqasının I təsnifat mərhələsindəki rəqibi olan Şimali Makedoniya "Şkendiya"sı Azərbaycana ciddi itki ilə gələcək.

"Report" klubun rəsmi saytına istinadən xəbər verir ki, komandanın aparıcı oyunçularından Armend Alimi koronavirusa yoluxduğu üçün qarşıdakı matçda Tetovo təmsilçisinə kömək edə bilməyəcək.

Futbolçuda xəstəliyin simptomnları hiss olunmasa da, o, öz evində karantinə alınıb.

Qeyd edək ki, avqustun 27-də "Kapital Bank Arena"da keçiriləcək "Sumqayıt" - "Şkendiya" görüşü saat 20:00-da başlayacaq.