Premyer Liqa: "Qəbələ" "Kəpəz"ə qalib gəlib

Misli Premyer Liqasının V turunun növbəti oyununda "Kəpəz" səfərdə "Qəbələ" ilə qarşılaşıb.

"Report" xəbər verir ki, Qəbələ şəhər stadionunda baş tutan matçda ev sahibləri 3:0 hesablı qələbə qazanıb.

Qolları Adriel Ba Loula (44) və Prins Ovusu (59, 67) vurublar.

"Qəbələ" xallarının sayını 4-ə çatdırıb. "Kəpəz" isə xalsızdır.

Qeyd edək ki, turun əvvəlki oyunlarında "İmişli" "Karvan-Yevlax"ı 3:0, "Zirə" isə "Şamaxı"nı 2:1 hesabı ilə üstələyib.