Millimizin yarımmüdafiəçisi bəraət aldı, iki futbolçu həbs edildi

İspaniyanın "Eybar" klubunun futbolçusu Serxi Enriç və "Girona"da çıxış edən Antonio Luna iki il həbs cəzasına məhkum edilib.

"Report" "IUSPORT" nəşrinə istinadən xəbər verir ki, buna səbəb onların seksual xarakterli video çəkilişində iştirak etməsidir.

İspaniyalı oyunçular qızın icazəsi olmadan çəkilən videonu yaydıqları üçün cəzalandırılıblar.

Həmin videonu çəkməkdə günahlandırılan "Albasete"nin və Azərbaycan yığmasının yarımmüdafiəçisi Eddi İsrafilov isə bəraət alıb.

Qeyd edək ki, hadisə 2016-cı ildə - hər üç futbolçu "Eybar" klubunda çıxış edərkən baş verib.