Məhəmməd Salah unikal nailiyyətə imza atıb

İngiltərənin "Liverpul" klubunun futbolçusu Məhəmməd Salah UEFA Çempionlar Liqasında unikal nailiyyətə imza atıb.

"Report" "OptaJoe"ə istinadən xəbər verir ki, hücumçu buna "Atletiko"ya qalib gəldikləri əsas mərhələnin ilk matçında nail olub.

Misirli forvard İngiltərə komandaları tarixində Avropanın bir nömrəli klub turnirində 6 dəqiqə ərzində qol vuran və məhsuldar ötürmə ilə yadda qalan ilk oyunçudur. 

Mersisayd komandası görüşün 6-cı dəqiqəsində 2:0 hesabı ilə önə çıxıb. Salah əvvəl assist edib, sonra adını tabloya yazdırıb. 

Qeyd edək ki, "Liverpul" "Atletiko"nu 3:2 hesabı ilə üstələyib.