"Mançester Yunayted"in daha bir müdafiəçisi Leni Yoru "Çelsi" ilə oyunu buraxacaq

İngiltərənin "Mançester Yunayted" klubunun futbolçusu Leni Yoru Premyer Liqanın XXX turunda "Çelsi"yə qarşı keçirəcəkləri oyunu buraxacaq.

"Report" xəbər verir ki, bu barədə "qırmızı şeytanlar"ın mətbuat xidməti məlumat yayıb.

20 yaşlı müdafiəçi zədəli olduğu üçün matçda iştirak etməyəcək.

Bundan əlavə, digər müdafiəçilər - Harri Maquayr və Lisandro Martines cəza səbəbindən meydana çıxmayacaqlar.

Xatırladaq ki, "Çelsi" - "Mançester Yunayted" oyunu, bu gün Bakı vaxtı ilə saat 23:00-da start götürəcək.