III MDB Oyunları: Azərbaycanın U-16 millisinin finaldakı rəqibi müəyyənləşib - YENİLƏNiB

III MDB Oyunlarında Azərbaycanın 16 yaşadək oğlan futbolçulardan ibarət millisinin rəqibi müəyyənləşib.

"Report"un Qəbələyə ezam olunan əməkdaşının məlumatına görə, Aqil Nəbiyevin baş məşqçisi olduğu komanda Rusiya ilə qarşılaşacaq.

Rusiya yığması B qrupunun ikinci matçında Özbəkistanı 2:1 hesabı ilə məğlub edib.

Qeyd edək ki futbol yarışına oktyabrın 4-də yekun vurulacaq.

13:52

Azərbaycanın 16 yaşadək futbolçualardan ibarət millisi III MDB Oyunlarında finala yüksəlib.

"Report"un Qəbələyə ezam olunan əməkdaşının məlumatına görə, Aqil Nəbiyevin baş məşqçisi olduğu kollektiv A qrupunda Qırğızıstan millisi ilə üz-üzə gəlib.

Qəbələ şəhər stadionunda baş tutan görüş Azərbaycan millisinin 4:0 hesablı qələbəsi ilə başa çatıb. Qolları Tunar Bayramov (53), Əli Bəşirov (70, 75) və Roman Fərzəli (79) rəqib qapısından keçiriblər.

U-16 finalda Rusiya və Özbəkistan arasında keçiriləcək matçın qalibi ilə qarşılaşacaq.

Qeyd edək ki, futbol yarışına oktyabrın 4-də yekun vurulacaq.