İbrahimoviç yığmaya yenidən çağırılmasını "Tanrının qayıdışı" adlandırıb

İtaliya "Milan"ının futbolçusu Zlatan İbrahimoviç yenidən İsveç millisinə dəvət almasına münasibət bildirib.

"Report"un məlumatına görə, 40 yaşlı hücumçu bununla bağlı rəsmi tvitter hesabında paylaşım edib.

Təcrübəli forvard yığmaya dönüşünü "Tanrının qayıdışı" kimi şərh edib.

Qeyd edək ki, Zlatan İbrahimoviç sonuncu dəfə 2016-cı ildə milliyə çağırılıb. İsveç yığması DÇ-2022-nin seçmə mərhələsində martın 25-də Gürcüstan, martın 28-də Kosovo və martın 31-də Estoniya ilə qarşılaşacaq.