DÇ-2022: Lui Van Qal velosiped qəzasına görə texniki zonada olmayacaq

Niderland millisi bu gün Norveçə qarşı keçiriləcək 2022-ci il dünya çempionatının seçmə oyununa baş məşqçisiz çıxacaq.

"Report" NOS kanalına istinadən xəbər verir ki, 2 gün öncə məşqdən hotelə qayıdarkən velosiped qəzası keçirən və ombasından xəsarət alan Lui Van Qal texniki zonada yer ala bilməyəcək.

70 yaşlı mütəxəssis qarşılaşmanı tribunadan izləyəcək və oyunçularına öz tapşırıqlarını köməkçiləri vasitəsilə çatdıracaq.

Qeyd edək ki, Niderland - Norveç matçı Bakı vaxtı ilə saat 23:45-də start götürəcək.