Buffon karyerasında 1 100-cü oyuna çıxdı

İtaliya "Yuventus"unun qapıçısı Canluici Buffon karyerasında 1 100-cü matçına çıxıb.

"Report"un məlumatına görə, bu, "İnter"lə ölkə kubokunun ilk yarımfinal oyununa təsadüf edib. 43 yaşlı qolkiper matça start heyətdə başlayıb.

Qeyd edək ki, Canluici Buffon böyük futbolda debütünü 1995-ci ildə "Parma"nın heyətində gerçəkləşdirib. O, 2001-ci ildə "Yuventus"a transfer olub. 2018/2019 mövsümünü Fransa PSJ-sində keçirmiş italiyalı qolkiper daha sonra "Yuventus"a qayıdıb. Buffon 1997 - 2018-ci illərdə İtaliya yığmasında forma geyinib.

1 100 oyundan 679-u "Yuventus", 220-si "Parma", 176-sı milli komanda, 25-i PSJ-də olub.