"Barselona"da prezidentliyə namizədlərin sayı azaldı

İspaniyanın "Barselona" klubunun prezidentliyinə namizədlərdən Aqusti Benedito seçkilərdə iştirak etməyəcək.

"Report" "El Chiringuito"ya istinadən xəbər verir ki, funksioner kifayət qədər səs toplaya bilmədiyi üçün bu addımı atıb.

Beneditonun namizədliyini geri götürməsindən sonra bu vəzifəyə iddialı 3 nəfər qalıb. Bunlar Xuan Laporta, Viktor Font və Luis Fernandezdir.

Aqusti Benedito daha əvvəl yerli mətbuata açıqlamasında Kataloniya təmsilçisinin kapitanı Lionel Messinin yayda komandanı tərk edəcəyini söyləmişdi.

Qeyd edək ki, "Barselona"da prezident seçkiləri yanvarın 24-də keçiriləcək.