Azərbaycanlı hakim-inspektorun təyinatı ləğv olundu

Beynəlxalq dərəcəli hakim-inspektor Asim Xudiyevin təyinatı UEFA tərəfindən ləğv edilib.

"Report" AFFA-nın rəsmi saytına istinadən xəbər verir ki, buna koronavirus (COVİD-19) pandemiyası ilə əlaqədar birbaşa və uyğun tranzit təyyarə reyslərinin olmaması səbəb olub. 

Xatırladaq ki, Asim Xusiyev UEFA Çempionlar Liqasının I təsnifat mərhələsində avqustun 19-da Tbilisidə keçiriləcək “Dinamo” (Tbilisi, Gürcüstan) – “Tirana” (Albaniya) oyununa hakim-inspektor kimi təyinat almışdı.