A Seriyası: "İnter" 2011-ci ildən bu yana mövsümün ən pis başlanğıcını edib

İtaliyanın "İnter" klubu A Seriyasında 2011-ci ildən bu yana mövsümün ən pis başlanğıcını edib.

"Report" xəbər verir ki, milanlılar ötən gün "Yuventus"a 3:4 hesabı ilə məğlub olmaqla bu uğursuzluğu yaşayıblar.

Bununla da komanda mövsümün ilk üç turunda 2 məğlubiyyətlə üzləşib.

İlk üç matçda iki məğlubiyyət "İnter"in 2011/2012 mövsümündən bəri ən pis nəticəsidir.

Həmin vaxt 3 tur ərzində cəmi 1 xal qazanan komandanın baş məşçisi Can Pyero Qasperini istefaya göndərilmişdi.

Qeyd edək ki, "İnter" A Seriyasında 3 xalla 11-ci sırada yer alıb.