"Formula 1" komandasının rəhbəri Bakıda yüksək yerlər uğrunda mübarizə aparacaqlarına əmindir

"Formula 1" üzrə dünya çempionatında çıxış edən "Williams" komandasının rəhbəri Ceyms Voulz Azərbaycan Qran-prisində yüksək yerlər uğrunda mübarizə aparacaqlarına əmindir.

"Report" "Motorsport"a istinadən xəbər verir ki, funksioner qarşıdakı yarışa kökləndiklərini bildirib.

O, Bakıdakı mərhələdə yaxşı performans göstərə biləcəklərini söyləyib: 

"Bizi Bakıdakı yarış gözləyir. Məncə, yaxşı mübarizə apara bilərik. Əminəm ki, sıralama turunda istədiyimiz nəticəni əldə etdikdən sonra həftəsonu orada yüksək yerlər uğrunda mübarizə aparacağıq".

Qeyd edək ki, Azərbaycan Qran-prisi sentyabrın 19-21-i aralığında baş tutacaq.