WADA marixuananı qadağan olunmuş preparatların siyahısından çıxarır

Ümumdünya Antidopinq Agentliyi (WADA) marixuananı qadağan olunmuş preparatların siyahısından çıxara bilər.

"Report" xəbər verir ki, bu barədə WADA məsləhət qrupunun nümayəndəsi CBC-yə açıqlamasında deyib.

Onun sözlərinə görə, müvafiq elmi ekspertizaya gələn il start veriləcək.

Qeyd edək ki, marixuananın siyahıdan mümkün çıxarılması qərarı ABŞ atleti Şakarri Riçardsonun narkotik testindən keçməməsi ilə bağlıdır. Riçardson bu səbəbdən 30 günlük diskvalifikasiya edilib və Tokio-2020 Yay Olimpiya Oyunlarını buraxıb.