Danışılmış oyunlarda iştirak edən rusiyalı idmançı 3 il 9 aylıq cəzalanıb

Beynəlxalq Tennis Bütövlüyü Təşkilatı (ITIA) rusiyalı Alana Tuayevanı danışılmış oyunlarda iştirak etdiyinə görə 3 il 9 ay müddətinə diskvalifikasiya edib.

"Report" xəbər verir ki, 26 yaşlı tennisçinin diskvalifikasiyası 19 dekabr 2025-ci ildən qüvvədədir və cəzası 2029-cu il sentyabrın 18-də başa çatacaq.

Rusiyalı idmançı ona qarşı irəli sürülən bütün ittihamları, o cümlədən 2023 və 2024-cü illərdə iki turnirdə oyunların danışılmasında iştirak etdiyinə görə qayda pozuntularını etiraf edib.

Alana Tuayeva son olaraq 2025-ci ilin sentyabında dünya reytinqində 1282-ci pillədə qərarlaşıb.