Roman Saley: "Qələbələrimi qalib Azərbaycan xalqına həsr edirəm"

"Qalib gəldiyim üçün prezidentimizə təşəkkür etmək istərdim".

"Report"un məlumatına görə, bu fikirləri Tokio-2020 Yay Paralimpiya Oyunlarında 3 qızıl medal qazanan Azərbaycanın para-üzgüçüsü Roman Saley Bakıdakı qarşılanma zamanı jurnalistlərə açıqlamasında deyib.

3 qat paralimpiya çempionu karyerasına Azərbaycan yığmasında başladığını xatırladıb: "Qələbələrimi qalib Azərbaycan xalqına həsr edirəm. Hamınız çox sağ olun".

Qeyd edək ki, Roman Saley 100 metr məsafəyə sərbəst, arxası üstə və batterflay üsulu ilə üzmədə birinci yeri tutub.