Robert Şvartsman: "Bakıda qələbə qazandığım üçün şadam"

"Bu qələbə mənim üçün çox şey deməkdir. İlk iki mərhələdə nəticələrimiz yaxşı deyildi. Uğursuzluq oldu, mən və komanda səhvlər etdik".

"Report"un məlumatına görə, bu fikirləri "Formula 2" üzrə Azərbaycan Qran-prisində ilk sprint yarışının qalibi olan "Prema Racing" komandasının pilotu Robert Şvartsman deyib.

21 yaşlı sürücü böyük qələbə hissi yaşadığını söyləyib: "Bolidimin qaydasında olduğunu və sürət baxımından ilk “3-lüy”də yer almağa imkan verdiyini bilirdim. Həftəsonuna qələbə ilə başladığım üçün şadam. Qarşıda iki yarış var. Maraqlı olacağını deyə bilərik".

Qeyd edək ki, Azərbaycan Qran-prisi iyunun 6-da başa çatacaq.