III MDB Oyunları: Azərbaycan gimnastları komanda hesabında üçüncü olub - YENİLƏNİB-2

Azərbaycan bədii gimnastları III MDB Oyunlarında komanda hesabında üçüncü yeri tutub.

"Report"un Şəkiyə ezam olunan əməkdaşının məlumatına görə, Nur Sadıqova, Şəms Ağahüseynova, Fidan Qurbanlı və Azadə Atakişiyevadan ibarət kollektiv çoxnövçülükdə bürünc medal qazanıb.

Rusiya yığması birinci, Belarus ikinci olub.

Qeyd edək ki, III MDB Oyunlarında bədii gimnastika yarışlarına oktyabrın 8-də yekun vurulacaq.

15:34

Azərbaycan bədii gimnastı III MDB Oyunlarında gümüş medal qazanıb.

"Report" un Şəkiyə ezam olunan əməkdaşının məlumatına görə, Azadə Atakişiyeva çoxnövçülükdə ikinci yeri tutub.

Qeyd edək ki, bədii gimnastika yarışlarına oktyabrın 8-də yekun vurulacaq.

13:51

Azərbaycanın iki bədii gimnastı III MDB Oyunlarında finala vəsiqə qazanıb.

"Report"un Şəkiyə ezam olunan əməkdaşının məlumatına görə, Şəms Ağahüseynova lentlərlə çıxışda adını finala yazdırıb.

Fidan Qurbanlı isə gürzlərlə finala vəsiqə qazanıb.

Qeyd edək ki, III MDB Oyunlarında bədii gimnastika yarışlarına oktyabrın 8-də yekun vurulacaq.