"Böyük Dəbilqə" turnirinin son günündə Azərbaycanın 6 cüdoçusu mübarizə aparacaq

Özbəkistanın paytaxtı Daşkənddə keçirilən "Böyük Dəbilqə" turnirinə bu gün yekun vurulacaq.

"Report" xəbər verir ki, yarışın son günündə Azərbaycanın 6 cüdoçusu tatami üzərinə çıxacaq.

Murad Fətiyev (90 kq), Mədinə Kaisinova (78 kq), Əjdər Bağırov (100 kq) 1/16 finaldan, Zelim Kotsoyev (100 kq), Kənan Nəsibov və Camal Qəamzatxanov (hər ikisi +100 kq) isə 1/8 finaldan mübarizəyə qoşulacaqlar.

Qeyd edək ki, daha əvvəl Ömər Rəcəbli (81 kq), Əhməd Yusifov qızıl, Balabəy Ağayev (hər ikisi 60 kq) isə gümüş medal qazanıblar.