Cüdo üzrə U-14 Liqa yarışının III turu keçiriləcək

Mayın 23-dən 14-dək Abşeron Olimpiya İdman Kompleksində cüdo üzrə U-14 yeniyetmələr arasında Liqa yarışının III turu keçiriləcək.

Azərbaycan Cüdo Federasiyasından "Report"a verilən məlumata görə, yarışda 95 klub və idman cəmiyyətindən olan 643 cüdoçu (532 oğlan, 111 qız) ümumilikdə 18 çəki dərəcəsində medallar uğrunda mübarizə aparacaq.

Qeyd edək ki, bu, cari ildə U-14 Liqa yarışının son turu olacaq. Analoji turnirlər idmançıların reytinq cədvəlinin formalaşmasında önəmli rol oynayacaq.