Böyük Dəbilqə: Azərbaycanın sonuncu cüdoçusu mübarizəyə başlayır

Bu gün Azərbaycanın daha bir cüdoçusu Gürcüstanın paytaxtı Tbilisidə keçirilən Böyük Dəbilqədə mübarizəyə başlayacaq.

"Report"un məlumatına görə, yarışın sonuncu günündə 90 kq çəki dərəcəsində çıxış edən Murad Fətiyev medal qazanmağa çalışacaq.

23 yaşlı idmançı 1/16 final mərhələsində qazaxıstanlı Adlet Missinlə üz-üzə gələcək.

Qeyd edək ki, daha əvvəl Azərbaycan təmsilçilərindən Turan Bayramov (60 kq) və Elcan Hacıyev (81 kq) bürünc medala sahib çıxıb.