Belaruslu gimnast: "III MDB Oyunlarında rəqiblərimiz çox çətin idi"

III MDB Oyunlarının qalibi olan Belarus gimnastları üçün bütün rəqiblər çətin olub.

"Report"un Şəkiyə ezam olunan əməkdaşının məlumatına görə bunu belaruslu gimnast Vialeta Barzilovskaya jurnalistlərə açıqlamasında deyib.

O, yaxşı mübarizə getdiyini bildirib:

"Komandama görə çox şadam. İdmançılarımız yüksək səviyyədə çıxış etdilər. Bütün rəqiblərimiz çətin idi. Düşünürəm ki, yaxşı mübarizə getdi. Zal, ümumiyyətlə, möhtəşəm idi və çox xoşuma gəldi. Təşkilatçılıq yüksək səviyyədədir".

Qeyd edək ki Belarus komandası batut gimnastikası üzrə qarışıq komanda yarışında ilk pilləni tutub.