Azərbaycan paracüdoçusu Avropa çempionu olub - YENİLƏNİB

Azərbaycan paracüdoçusu İlham Zəkiyev (J1, +95 kq) Gürcüstanın paytaxtı Tbilisidə keçirilən Avropa çempionatının qalibi olub.

"Report" xəbər verir ki, o, 1/4 finalda moldovalı Oleq Kretulu məğlub edib.

Zəkiyev yarımfinalda türkiyəli Gökhan Biceri və nəhayət həlledici mərhələdə moldovalı İon Basocu ipponla üstələyərək qızıl medal qazanıb.

Qadınların mübarizəsində isə Dürsədəf Kərimova (J2, +70 kq) gümüş medalla kifayətlənib.

Qeyd edək ki, İ.Zəkiyev 9-cu dəfə Avropa çempionu adını qazanıb.

12:33

Azərbaycan paracüdoçusu İlham Zəkiyev (J1, +95 kq) Gürcüstanın paytaxtı Tbilisidə keçirilən Avropa çempionatında finala yüksəlib.

"Report" xəbər verir ki, o, 1/4 finalda moldovalı Oleq Kretulu məğlub edib.

Yarımfinalda türkiyəli Gökhan Biceri ipponla üstələyən Zəkiyev həlledici mərhələyə adlayıb.