SOCAR və Misir Dövlət Neft Şirkəti arasında memorandum imzalanıb

Bakı. 2 noyabr. REPORT.AZ/ Misirə rəsmi səfəri çərcivəsində Azərbaycan Dövlət Neft Şirkətinin (SOCAR) prezidenti Rövnəq Abdullayev noyabrın 2-də bu ölkənin neft və mineral ehtiyyatlar naziri Tarık əl Molla ilə göruşüb.

“Report” SOCAR-a istinadən xəbər verir ki, görüşdə tərəflər SOCAR ilə EGPC (Misir Dövlət Neft Şirkəti) arasında əməkdaşlığın genişləndirilməsi, Misirin neft sənayesinin modernləşdirilməsində SOCAR-ın rolu və həyata keçirilən digər müştərək layihələr barədə fikir mübadiləsi aparıblar. 

Görüşün sonunda SOCAR prezidenti R.Abdullayev və EGPC-nin icraçı direktoru Tarık əl Hadidi tərəfindən iki qurum arasında Anlaşma Memorandumu imzalanıb.