Qazaxıstan bu il Almaniyaya 3 milyon ton neft tədarük etməyi planlaşdırır

Bu il Qazaxıstan "Drujba" neft kəməri ilə Almaniyaya 3 milyon tona yaxın neft tədarük etməyi planlaşdırır.

"Report" Qazaxıstan mediasına istinadən xəbər verir ki, bunu jurnalistlərə açıqlamasında ölkənin energetika naziri Yerlan Akkenjenov bildirib.

Bununla yanaşı, o vurğulayıb ki, mayda bu istiqamətdə tədarük planlaşdırılmır.

Nazirin sözlərinə görə, 2025-ci ildə Almaniyaya 2,1 milyon ton neft tədarük edilib.

Qazaxıstan ötən ilin I rübü ilə müqayisədə bu ilin müvafiq dövründə Almaniyaya neft ixracını iki dəfə artıraraq 730 min tona çatdırıb.

Qazaxıstan Almaniyaya 2023-cü ildən neft ixrac edir.