​​​​​​​Ötən il Türkiyənin neft istehsalı 7 %-dən çox artıb

Ötən il Türkiyənin neft istehsalı 2019-cu illə müqayisədə 1,52 milyon barel və ya 7,3 % artaraq 22,269 milyon barelə çatıb.

“Report” xarici mətbuata istinadən xəbər verir ki, bunu Türkiyənin enerji və təbii qaynaqlar naziri Fatih Dönmez deyib.

Onun sözlərinə görə, ötən il istehsal olunan neftin 16,613 milyon barreli (əvvəlki illə müqayisədə 13,3 % çox) dövlətin, 5,656 milyon bareli (7,1 % az) isə özəl sektorun payına düşüb.