Norveç neft və qaz hasilatını davam etdirəcək

Norveç enerji keçidi şəraitində hidrogen və külək enerjisinə üstünlük verir, lakin neft və qaz hasilatını davam etdirmək niyyətindədir.

“Report” “Reuters”ə istinadən xəbər verir ki, bu barədə Norveç hökumətinin bəyanatında deyilir.

Bəyanatda bildirilir ki, Avropada ikinci ən böyük istehsalçı olan Norveç neft və qaz yataqlarının hasilatı ilə bağlı işlər həyata keçirəcək.

Daha əvvəl Norveçin neft-qaz şirkətlərinin 2021-ci il üzrə investisiya planlarına düzəliş etdiyini və investisiyaların əvvəl güman edildiyi kimi 148,6 milyard kron deyil, 166,3 milyard kron (təxminən 18,4 milyard ABŞ dolları) təşkil edəcəyi bildirilmişdi.