İraq və Türkmənistan qaz idxalı ilə bağlı prinsipial razılığa gəliblər

İraq və Türkmənistan İraq elektrik stansiyalarını idarə etmək üçün lazım olan qazın tədarükü ilə bağlı prinsipial razılığa gəliblər.

“Report” TASS-a istinadən xəbər verir ki, bu barədə Ərəb Respublikasının Neft Nazirliyi məlumat yayıb.

“İraq hökuməti Türkmənistan da daxil olmaqla dost ölkələrlə qaz sahəsində əməkdaşlıq perspektivlərini genişləndirməyə çalışır. Hazırda biz bu ilin sonuna qədər imzalanacaq əməkdaşlıq memorandumunu hazırlayırıq”, - bu barədə “Shafaq News” portalı qurumun məlumatına istinadən yazır.

"Bu saziş İraq və qaz hasil edən digər ölkələr arasında əməkdaşlığın genişləndirilməsi istiqamətində mühüm addımdır", - İraq Neft Nazirliyi bildirib.

Portal qeyd edir ki, Türkmənistandan qaz tədarükü hazırda qonşu İrandan alınan yanacaq hesabına fəaliyyət göstərən İraq elektrik stansiyalarının fəaliyyətini dəstəkləmək üçün vacibdir.