BTC kəməri ilə neftin nəqli 11 %-dən çox azalıb

2020-ci il ərzində Azərbaycanın magistral neft kəmərləri ilə 34,720 mln ton neft nəql edilib.

“Report”un Dövlət Statistika Komitəsinə istinadən verdiyi xəbərə görə, nəqletmənin 79,1 %-i Bakı-Tbilisi-Ceyhan (BTC) neft ixrac kəməri ilə həyata keçirilib.

2020-ci il ərzində neft kəmərləri ilə nəqletmənin həcmi 2019-cu ilin göstəriciləri ilə müqayisədə 10,5 % az olub.

2020-ci il ərzində BTC vasitəsilə 27,480 mln ton neft ötürülüb. Bu isə 2019-cu ilin müvafiq dövründən 11,3 % azdır.

Dövr ərzində BTC kəməri ilə 3,886 mln ton tranzit nefti də nəql edilib ki. Bu da 2019-cu ilin göstəriciləri ilə müqayisədə 13,16 % azdır.